NIYAYA ANG ANAK SA SIMBAHAN

Sa kauna-unahang pagkakataon , niyaya ng nanay ang
kanyang anak sa church na kanyang dinadaluhan

nakita ng bata ang mga tao sa loob ng simbahan ay 
nagkakamayan , nag-ngingitian , nagyayakapan 
seryosong nakikinig ng salita ng Diyos at masaya

kaya sa loob loob ng bata

" wow ganito pala dito ,ang saya ,gusto ko dito "

pagkatapos ng gawain , niyaya na ng nanay
ang kanyang anak para umuwi na.

pero may sinabi ang bata sa kanyang nanay

" nay , huwag na po tayong umuwi , dito na po
tayo tumira "

nagulat yung nanay at ang sabi

" Ha , bakit ? "

sagot ng bata

" Kasi po dito ang bait bait nyo , sa bahay
ang sama ng ugali nyo "

Aral :

Kung nais mong maakay ang mga mahal mo
sa buhay sa Panginoon ,ipakita mo ang tunay
na pagbabago sa buhay mo para maniwala sila
sa iyo.

NAGTATALO

Dalawang member ng sekta ang nagtatalo
tungkol sa muling pagbabalik ni Cristo 

sabi ng isa

" brod ,huwag munang ipilit ang paniniwala mo
maliwanag sa bible na babalik muna si Cristo 
bago magkakaroon ng kapighatian sa mundo "

sagot ng isa

" brother mali ka , mukhang ikaw ang hindi
nag aral ng bible , napakalinaw na sinasabi 
sa bible na kapighatian muna ang magaganap sa
mundo bago darating si Cristo "

sa kainitan ng kanilang pagtatalo , may dumating
na isang lalaki at nagsalita

" magsitigil nga kayo ! nasa impiyerno na nga kayo
nagtatalo pa kayo ! "

Aral

Ano ang halaga ng marami kang alam sa bibliya
kung hindi naman pala ligtas ang iyong kaluluwa

SILID

SILID

Namatay sa aksidente ang isang lalaki
at dinala siya sa impiyerno

sabi ng diyablo sa lalaki

" dito sa impiyerno ay may tatlong
silid kang pagpipilian ng kaparusahan
mamili ka kung ako ang gusto mo "

nang pinasilip sa kanya ang unang silid
nakita niya ang mga kaluluwa doon ay 
sinusunog

sabi niya

" ayoko dito "

sumunod pinasilip sa kanya ang ikalawang silid
nakita niya ang mga kaluluwa doon ay binabagsakan ng 
malalaking bato

sabi niya ulit

" naku mas lalong ayoko dito "

panghuli pinasilip sa kanya ang ikatlong silid
nakita niya nagkakape at nagkukwentuhan ang mga kaluluwa
pero ang baywang nila hanggang paa ay nakalubog sa
popo ng tao , hayop at sobrang kadiri

sabi niya

" bosing , dito gusto ko kahit kadiri at least
hindi pahirap "

kaya doon siya nilagay at kasama ng nakapagkape
ng ibang kaluluwa

ilang sandali sabi ng demonyong naka assign sa
room na yun

" ok time is up , magsitaob na kayo ! " 

Aral :

Habang may panahon pa tanggapin na natin si
Cristo at magbagong buhay na tayo upang hindi na tayo
humantong sa kapahamakan ng impiyerno.

Huwag ninyong katakutan ang pumapatay ng katawan 
ngunit hindi nakapapatay ng kaluluwa. Sa halip, ang 
katakutan ninyo'y ang nakapapatay ng kaluluwa at 
katawan sa impiyerno. Mateo 10:28

RETOKE

RETOKE

Dinala sa hospital ang isang ginang na ang mga
edad ay nasa 50 na dahil sa atake sa puso

sa oras ng kanyang kritikal na kundisyon
nagpakita ang Lord sa kanyang panaginip
at tinanong niya ang Panginoon

" Lord mabubuhay pa ba ako "

ang sagot sa kanya ni Lord

" oo naman , mabubuhay ka pa ng 30 years "

at nabuhay pa nga siya

lumipas ang isang tao , naisipan ng ginang na
magpa makeover sa isang magaling na clinic

marami siyang pinaretoke sa kanyang katawan
gaya ng ilong , dibdib ,pwet , buhok , balat 
kilay , ngipin , at iba pa ,total make over
ang nangyari

lumipas ang 3 buwan , habang siya ay naglalakad
nahagip siya ng trak at siya ay namatay

pagdating niya sa langit tinanong niya ang
Panginoon

" Lord akala ko ba mabubuhay pa ako ng 30 years
eh bakit wala pang dalawang taon namatay na ako "

sagot ng Lord

" naku anak pasensiya ka na , hindi kita nakilala 
sa itsura mo ,ang dami mo pala kasing pinaretoke 
sa katawan mo " 

Aral :

Kalooban ng Diyos na mapabuti ang buhay natin 
pero kung pipiliin natin ang sarili nating kagustuhan 
na hindi ayon sa kalooban ng Diyos ,huwag nating isisi sa 
Diyos ang masamang bunga nito.

GUSTONG GUMANDA

GUSTONG GUMANDA

Naaksidente ang isang bus na puno ng mga pangit na
pasahero ,wasak wasak ang bus at namatay silang lahat

pagdating nila sa langit ,binigyan sila ng pagkakataon
ng Lord na hilingin ang lahat ng gusto nila.

isa isa silang nakapila , unang humiling ang nasa unang pila
sabi niya.

" Lord gusto ko pong gumanda "

sa isang click lang ng kamay ni Lord ,bigla siyang
gumanda.

mula sa unang pila hanggang sa ika tatlumpung  pila
halos parepareho ang kanilang gusto ,ang maging maganda
at guwapo ,at nangyari naman lahat.

ang panghuli sa pila ay ngingisi ngisi lang at tila may
naglalaro sa utak

tinanong siya ni Lord

" ikaw anong kahilingan mo ? "

sagot ng tao

" Lord gusto ko lahat sila maging pangit ulit "

at muli naging pangit silang lahat

Aral :

Nais ng Diyos na maging pagpapala tayo sa ibang tao
at hindi ang manira , manlait , mantsimis , manggulo
maiingit sa ating kapwa.

NATUTULOG

NATUTULOG

sa loob ng sunday school nakatulog ang isang batang
estuyante habang nagtuturo ang teacher

nagtanong ang teacher sa kanyang mga estudyante

" sino ang gumawa ng mundo ? "

ang ginawa ng isang estudyante na katabi ng natutulog
tinusok ito ng kanyang lapis na hawak kaya ang natutulog
na estudyante ay nagulat at nagising at nasabi ang

" Panginoong Diyos ! "

sabi ng teacher 

"very good ,very good "

ilang sandali ,nakatulog na naman yung estudyate

nagtanong ulit ang teacher

" mga bata , sino ang ating tagapagligtas ? "

ang natutulog na bata ay tinusok ulit ng lapis ng kanyang
katabi kaya nagulat ito at napasabi ng malakas.

" Jesus Christ ! "

sabi ng teacher

" very good , very good "

ilang sandali nakatulog ulit yung estudyante

nagtanong ulit ang teacher

" class , ano ang sinabi ni eva kay adan pagkatapos nilang 
magkaanak ng sampu ? "

tinusok ulit ng lapis ang batang natutulog ng katabi
kaya nagulat ito ulit at napasabi ng pagalit :

" ano ba ! , subukan mo ulit akong tusukin sasampalin na kita "

nagulat yung teacher..

Aral :

Huwag po tayong matutulog sa oras ng  gawain 
para malinaw sa atin kung bakit tayo sumasagot ng amen..

AHENTE

Tatlong ahente ng insurance ang nag alok sa isang ginang

sabi ng unang ahente

" mam , sa akin na po kayo kumuha ng insurance kasi
malawak po ang sakop nito , ang sakop po nito mula 
sa pagsilang hanggang sa kamatayan "

sabi ng ginang

" aba ok yan ha "

sabi naman ng ikalawang ahente

" mam , sa akin na po kayo kumuha ng insurance kasi
mas maganda po ito at mas malawak , katunayan ang 
sakop po nito ay mula sa bahay bata hanggang sa libingan "

sumabat naman ang ikatlong ahente na ngingisi ngisi

" mam ,sa akin na po kayo kumuha ng insurance , hindi
sa minamaliit ko itong mga kasama ko , pero mas sulit
na sulit po ang insurance namin "

tanong ng ginang

" talaga , bakit mo naman nasabi ? "

sagot ng ahente

" sapagkat ang nasasakop po ng aming insurance ay
mula sa paglilihi hanggang sa muling pagkabuhay "

Aral :

Ang Diyos ang lumalang at nagmamay-ari ng lahat
ng bagay ,kaya kung anuman ang ating mga pangangailangan
pwede niyang ipagkaloob sa atin kung tayo ay lalapit
at tatawag sa kanya ng may pagtitiwala.


credit to the author..

JEEP

Naaksidente ang isang pampasaherong jeep sa isang 
lugar at grabe ang natamong pinsala ng driver at
lahat ng pasahero nito

halos wasak na wasak ang pampasaherong jeep 
kaya ang mga pasahero nito ay nagtalsikan
palabas ng jeep

ilan sa mga nakasaksi ang agad na tumawag ng
rescue team para tulungan ang mga biktima

mga ilang sandali dumating na ang mga rescue
team , agad nilang sinaklolohan ang mga biktima

habang sinasaklolohan ang mga biktima
napansin ng isa sa rescue team ang isang 
biktimang pasahero na nakahandusay pa
na inaabot ng pilit ang driver na nakahandusay rin

lumapit ang rescue man sa nakahandusay na
biktima at tinanong ng pabulong

" sir , sir , bakit pilit po ninyong inaabot ang driver ? "

sumagot ang biktima na habol ang hininga

" aaahhh....aannng...ang sukli ko " 

Aral:

Bagama't kailangan natin ang pera
subali't hindi tayo dapat na magmukhang pera
sa mata ng Diyos kaligtasan ng kaluluwa ang
mas mahalaga pangalawa na lang ang ibang bagay

ANG MAYAMAN

Nagpakita si satanas sa isang mayaman at
inalok niya ito

sabi ng diyablo

" kaibigan gusto mo bang pumunta sa impiyerno ? "

dahil mayaman , wala naman siyang panahon sa pagsisimba
dahil puro negosyo ang inaatupag , kaya inosente siya tungkol
sa bible.

sabi ng mayaman

" ano ba yung impiyerno ? "

ang ginawa daw ng diyablo , nilabas yung kanyang
laptop at ipinakita sa powerpoint kung ano ang
impiyerno

napanood ng mayaman sa powerpoint ng diyablo
na ang impiyerno ay ,maraming magagandang chicks ,
mga party , mga iba't ibang kulay ng light , may banda,
maraming alak at mga nag-iinuman puro happenings

sabi ng mayaman

" aba , ok pala sa impiyerno ha , paano ba makakapasok diyan ? "

sabi daw ng diyablo

" madali lang , habang nabubuhay ka ,magpakasama ka , 
manloko ka ng tao , huwag kang gagawa ng mabuti ,puro 
masama lang ang  gagawin mo "

kaya ganun nga ang ginawa ng mayaman.

dumating ang panahon namatay ang mayaman
at kinuha ng mga demonyo ang kanyang kaluluwa
at dinala sa impiyerno

tinanong ng mayaman ang demonyo

" brod , ito na ba yung impiyerno ? "

sagot ng demonyo

" yes sir ,ito na nga po "

sagot uli ng mayaman

" teka ,bakit ganun ,sa pinakita sa akin ng boss mo
sa powerpoint ang impiyerno ay masaya , bakit ang
nakikita ko dito ang mga tao sinusunog at pinapahirapan ? "

sagot uli ng demonyo

" aaahh yun ba ? , naku sir pasensiya na kayo , lahat po ng
napanood nyo sa powerpoint demo lang , wala pong totoo duon." 

Aral :

Bagama't tayo pong mga kristiyano ay nasa mundo
hindi po tayo dapat na mamuhay sa pagpapakamundo ,
ng sa ganoon hindi tayo mabiktima ng diyablo

MULTO

Pauwi na ang pastor mula sa misyon ng abutin siya
ng ulan sa isang alanganing lugar kaya naghanap muna siya 
ng masisilungan

Nakakita siya ng isang lumang simbahan kaya duon 
muna siya nakisilong.

kumatok siya sa pinto pero parang walang tao ,
sinubukan niyang buksan ang pinto pero ito ay
bukas kaya tumuloy na siya.

sabi niya " tao po " pero walang sumasagot
kaya namalagi na lang siya sa loob.

napansin niya na ang simbahan ay marami ng agiw
at ang mga gamit ay marami ng alikabok na tipong
matagal na itong hindi ginagamit

medyo iba ang pakiramdam niya sa simbahang iyon
gustuhin man niyang umalis pero napakalakas ng ulan
at kumikidlat pa kaya wala siyang magagawa kundi
ang magpalipas na ng magdamag

sa hating gabi ng kanyang pagtulog nakarinig siya ng mga
kalabog pero wala namang tao kaya medyo kinabahan na siya
panay na ang rebuke niya...

mga ilang sandali pa , dumami pa ang kalabugan ,
may nalalag na kung ano anong mga bagay 
at nakarinig na siya ng mga boses na nakakatakot

pero dahil sa pastor siya , hindi siya nagpapatinag
panay lang ang rebuke niya..in J.. name !

maya maya nagpakita na sa kanya ang mga multo
at papalapit na sa kanya

dahil sa kanyang pagkataranta , binato niya ng
bible ang mga multo pero nagtatawanan lang ito

ang mga multo ay patuloy na lumalapit sa kanya

naghanap pa siya ng maibabato , may nakita siyang
krus ,ipinakita niya ito sa mga multo , pero lalo lang
nagtawanan ang mga ito

ang mga multo ay patuloy pa rin na lumalapit
sa pastor , pero ang pastor ay naghagilap pa rin ng bagay
na ibabato sa mga multo

masuwerte naman at may nakuha pa siyang pwedeng ibato
sa mga multo , at ng ito ay ibabato na niya sa mga multo
ang mga multo ay nagsikaripas ng takbo na takot na takot

ang pastor ay takang taka sa nagyari , sa isip isip niya

" bakit biglang nagtakbuhan ang mga multong iyon at
parang takot na takot pa sila ? "

tiningnan ng pastor yung nadampot niya na dapat ibabato
niya sa mga multo , at nalaman niya na ang nadampot pala
niya ay offering bag.

napagtanto ng pastor na ang mga multo pala sa simbahang iyon
ay takot sa offering..

Aral :

magbigay man tayo para sa Panginoon ay hindi natin
dapat panghinayangan at ihinto dahil ang pangako
naman ng Panginoon ay ibabalik niya ito sa atin ng
siksik ,liglig at nag uumapaw na pagpapala.

PUNTA SA CHURCH

Umaga ng sunday , pinuntahan ng nanay ang kanyang

anak sa kuwarto para gisingin

" anak gising na sunday  ngayon pupunta tayo sa church "

pero ang anak mukhang nagtutulog tulugan ,kaya sabi ulit

ng nanay

" anak tumayo ka na diyan ,sunday ngayon pupunta tayo

ng church ,baka mahuli tayo "

sumagot ang anak

" ayokong magpunta sa church kung gusto nyo kayo

na lang "

sabi ng nanay

" at bakit ayaw mong pumunta sa church , aber  ? "

sagot ng anak

" dahil ayaw nila sa akin ,kaya ayaw ko rin sa kanila "

sagot ng nanay

" aba anak hindi pwede ,kailangan kang pumunta sa church "

sagot ulit ng anak

" nay bakit ba ang kulit nyo , bakit ba kailangan ko pang

pumunta sa church "

sagot ng nanay

" batukan kaya kita , ikaw kaya ang pastor dun " 

Aral :

Kahit mga lingkod ng Panginoon nanlulupaypay rin

kaya lagi nyo lamang kami isama sa inyong mga panalangin

JEEP

Eksena sa loob ng pampasaherong jeep

Alin ba sa mga ito ang naranasan mo ?

1. Halos lahat ng pasahero ikaw ang taga abot ng bayad
kasi malapit ka sa driver (  instant kondoktor ka )

2. kakapiraso lang ang puwet mong nakaupo kaya ngalay
na ngalay na yung tuhod mo pero wala pa ring bumababa
( kulang na lang maupo ka na lang sa sahig )

3. Gawin kang sandalan ng katabi mong natutulog 
( feeling niya unan ka )

4. Para ka ng para pero mukhang bingi yung driver
kaya ang layo ng binabaan mo
( Grrrrrrrrr..........#$#@.*() .)

5. Ang lakas ng anghit ng katabi mo 
( wagas ang amoy , nakakamatay..)

6. Kung hindi ka pa magsabing " manong sukli ko " 
hindi ka pa susuklian  ( baka makalusot lang )

7. Ayaw umusog ng katabi mo ,ang luwag naman

8. Kung saan nagmamadali ka ,ang bagal ng nasakyan mong
jeep kasi panay hinto ng hinto wala namang bababa at sasakay
( kainiisss. )

9. Hindi ka pa nga nakaka baba , aandar na..
( mamang driver gusto mo ba akong patayin..)

10. Kung mag preno yung driver subsob lahat ng pasahero
hindi bale kung isang beses lang , kaso kada preno subsob mga pasahero
( mamang driver kakahilo ka na ha..)

11. Nag cutting trip yung jeep na sinakyan mo
( doble bayad tuloy )

12. Kung saan ka nagmamadali saka pa nagpagasolina , tapos hinihintay
pang matapos yung isang nagpagasolina..
( manong late na kooooo...)

13. Ang iingay mag kwentuhan yung mga katabi mo
( hoy ! nasa dyip kayo wala sa palengke ! )

14. sobrang bilis magmaneho ng driver parang gusto na
niyang magpakamatay ,tapos parang gusto ka pang idamay.

15. May sumakay , ang laki ng bagahe , kaya nagkaipit ipit ka na sa loob
( manong pwedeng mag taxi ka na lang... )

16. Sa kalagitnaan ng byahe mo biglang kumulo ang tiyan mo,hudyat na 
naeebak ka na, tapos trapik pa , kaya sisipat sipat ka baka may pwedeng
pagrausan ng kumukulo mong tiyan , kaso wala , kaya titiis mo na lang
( ang dasal mo...lord huwag nasang malubak )

17. dagdagan mo na lang kung meron pa....he he

KAPITBAHAY

Dumating sa pagkakataon na ang isang kristiyano ay
kinapos ng budget kaya wala muna siyang pambili ng
pagkain

pero dahil sa palagi naman niyang naririnig sa church
na kung may pananalig ka mangyayari ang mga bagay
na imposible.

kaya ang ginawa niya kinuha niya yung pinggan at 
kutsara at nilagay niya sa mesa at pagkatapos
tinaas niya ang kanyang kamay na nakapikit at
nagsimulang manalangin

sabi niya na medyo malakas ang boses

" Lord maraming salamat po sa pagkain na ipapadala
nyo sa akin ngayon ,amen " 

ito'y paulit ulit niyang dasal

dahil sa malakas na dasal ng kristiyano narinig ng
kapit bahay ang kanyang dasal kaya sinilip niya ito

nakita niya na ito'y nakapikit at nakataas ang kamay

sa loob loob ng kapitbahay

" lokohin ko kaya ito ,ano kayang mangyayari "

ang ginawa ng kapit bahay , pumunta sa kusina niya
kumuha ng plastik at nilagyan ng kanin at ulam
pagkatapos hinagis na bahay ng kristiyano

sakto naman sa lamesa ng kristiyano bumagsak

nagulat ang krisityano kung ano yung parang may
nahulog sa lamesa niya ,kaya ng pagdilat niya ,
napasigaw siya

" praise the Lord ! thank you Lord tunay na 
sumasagot ka sa aming dasal "

biglang sumigaw yung kapit bahay

" hoy hindi si Lord mo ang nagbigay niyan , ako ! "

sabi ulit ng kristiyano

" Lord tunay na napakabuti mo talaga ,dahil kahit anak ng
demonyo ginagamit mo para lang pagpalain ang
mga anak mo , amen.. " 

Aral : 

Nangako ang panginoon na hindi niya tayo
pagkukulangin sa ating mga pangangailangan
basta't unahin lang natin ang kanyang kaharian.

MAHUSAY ANG PASTOR

Tatlong kapatiran ang nagka kwentuhan tungkol
sa nadaluhan nilang fellowship

sabi ng una

" mga kapatid , maganda yung nadaluhan kong church kahapon
nang magsimulang mangaral ang pastor , mula sa umpisa
hanggang sa huli ,ang saya , panay ang patawa ng pastor "

bumida naman ang ikalawa

" ganun ba , alam nyo yung nadaluhan kong church kahapon
matindi rin , kasi mula ng magsalita ang pastor ,mula umpisa
hanggang sa huli , iyakan ang mga tao , ang iba natumba pa ,
grabe ang kilos ni Lord "

sumabat yung ikatlo 

" amen , amen , pero alam nyo mga kapatid , parang mas matindi
yung church na nadaluhan ko kahapon , kasi ng magsimulang
mangaral ang pastor , mula umpisa hanggang sa huli , nakatulog ang
mga tao "

nagtanong yung unang brother

" brod anong matindi roon , eh nakatulog nga mga tao ? "

sagot niya

" alam mo brod ,hirap akong makatulog ,umiinom pa nga ako
ng pampatulog pero hirap pa rin akong makatulog, pero ng
mangaral na yung pastor ,di ko namalayan nakatulog na pala
ako , ang galing di ba ? "

Aral

Ang mga salita ng Diyos ay puno ng pagpapala
kaya di dapat sayangin na ito ay makuha

LUGAW

Araw araw kumakain ang maton na siga siga sa lugawan ng 
intsik ng hindi nagbabayad

wala namang magawa ang intsik na may ari baka kasi
kapag nagreklamo siya gulpihin pa siya at guluhin  ang
kanyang lugawan kaya nagpapasensiya na lang siya.

isang araw naayayahan ang siga siga na dumalo ng
gawain ng Panginoon , at ang maton ay na born again

isang araw pumasyal ulit ang maton na siga siga sa
lugawan para kumain ng lugaw.

pagkatapos niyang kumain ng lugaw ,sa kauna unahang
pagkakataon ,nagbayad siya ng lugaw na kinain niya

nagtaka ang intsik kaya nasabi niya

" aba himala ikaw bayad na lugaw kain mo "

sagot ng maton

" ingkong na born again na kasi ako , nalaman ko masama pala
ang nang aabuso sa kapwa "

dugtong pa niya .

" sorry nga pala sa lahat ng pagsasamtala ko sa lugaw mo ,
pangako ko sa iyo mula ngayon magbabayad na ako ng
lugaw na kakainin ko "

sabi ng intsik 

" ako hingi rin sorry sa iyo , kasi mula ngayon hindi ko na rin
lagyan dura  lugaw mo "

Aral

Anumang panlalamang sa kapwa ,sa huli ito ay may
masamang kapalit. 

BANDIDO

Pinasok ng grupong bandido ang isang church
habang ang pastor ay nangangaral ,sila'y may
mga dalang armas.

ang mga member ay nagulat at lahat halos
ay kinabahan ,maging ang pastor ay tumigil
sa pangangaral.

ilang sandali umakyat ang pinuno ng bandido
sa stage at kinuha yung mic ng pastor at
nagsimulang magsalita

" kung sino man sa inyo ang handang mamatay
para kay Cristo huwag lalabas ng simbahan ! "

subalit halos maubos ang maraminng tao
sa loob ng simbahan dahil sa takot na mamatay
pero may natira pa rin konti sa loob ng simbahan

hamon ulit ng pinuno ng bandido

" baka mayroon pang gustong lumabas sa inyo
binibigyan ko kayo ng pagkakataon "

pero ang pastor at ilang member sa loob ay
hindi na umalis , handa silang mamatay
para kay Cristo.

muli nagsalita ang pinuno ng bandido

" Pastor ituloy nyo na yung pangangaral nyo
naglayasan na yung mga ipokrito "

Aral :

Nais ng Panginoon na ang pananalig natin sa
kanya ay hindi lang panlabas na rituwal
kundi handa tayong magsakripisyo para
kay Cristo.

MEETING NG MGA PERA

Nagkaroon ng malaking pagpupulong ang mga pera

naroon si 1000 , 500 , 200 , 100 ,50 pesos

naroon din ang mga baryang sina 10 piso , 5 piso , piso , at iba pang
mga barya

Nang ayos na ang lahat nagsimulang magsalita
si 1000 pesos

" Salamat sa inyong pagdalo sa ating mahalagang
pagpupulong , nakakalungkot mang sabihin pero
buo na ang aming pagpapasya "

" simula ngayon ,kayong mga barya ay hindi na
dapat sumama sa aming mga buo sapagkat
nakakagulo lang kayo "

laking gulat ng mga barya sa kanilang narinig
ito'y isang malaking insulto sa kanila.

nagsalita si 10 piso

" hindi naman yata makatarungan ang
ginawa ninyong desisyon , masyado ninyong
hinamak ang aming kalagayan "

sumabat si 500 pesos

" tama lang yun mga barya sapagkat kaming
mga buo ay sosyal , kami ay nasa casino , nasa
first class na hotel , nasa mamahaling restaurant
nasa mga mamahaling bars  at sa mga sikat
na lugar "

tahimik lang ang mga barya ,sapagkat
totoo naman ang kanilang sinasabi
at para naman hindi sila magmukhang
kawawa ,nagsalita si 5 piso

" totoo mataas ang tingin sa inyo dahil
kayo ay buo , lalo ka na 1000 "

" pero nakakahigit pa rin kami sa inyo
sapagkat kami ay mga kristiyano "

nagulat ang mga buo sa patutsada ni
5 piso

nagtanong si 200 pesos

" anong ibig nyong sabihin ? "

sumagot si piso

" alam nyo kapag sunday lagi kaming
nasa simbahan , subukan nyong silipin ang
offering bag , kumpleto kami dun 
samantalang kayo...ewan..."

Aral :

Kung lubos naman tayong pinagpala ng
Panginoon ,huwag tayong manghinayang
na magbigay ng malaki sa Panginoon

HINDI NATAKOT

Habang nangangaral ang isang pastor sa
sa kanyang malaking congregation 

bigla daw lumitaw ang diablo sa gitna
ng stage at ang mga tao ay kanya kanyang
takbo dahil sa sobrang takot , pati ang
pastor kumaripas na rin ng takbo

kaya halos ang loob ng malaking church ay
walang natirang member , maliban lang
sa isang matandang babae na nakaupo
sa harap na sobrang kalmado at wala man lang
kabakas bakas na ito ay natakot

dahil dito ang diablo ay labis na nagtaka
at napaisip kaya nilapitan niya ang matanda
at kinausap na may pananakot

" Hoy tanda hindi mo ba ako kilala ? ! " 
ako si satanas ! " 

sagot ng matanda 

" alam ko  ikaw si satanas "

sabi ng diablo

" alam mo palang ako si satanas bakit
hindi ka natakot ? "

sagot ng matanda

" bakit naman ako matatakot sa iyo
pareho lang naman kayo ng asawa ko
demonyo rin kaya iyon ! "

Aral :

Dapat makita sa ating mga kristiyano na
iba na ang ating buhay kaysa sa mga makamundo.